Om te toer of nie te toer nie

Dit is iets waaroor baie gevoelens nog uitgespreek gaan word.
Hoekom nie en Wie is verantwoordelik?

Kom ons kyk anders daarna en sê dat ons glo vir hulle wat die Here liefhet werk alles ten goede mee. Maak nie saak wie of hoekom, want dit los geen probleem op nie en maak my net meer negatief en seer en ek maak ander ook net negatief. Ons kan daarna kyk net soos ons wil, niks gaan nou verander nie, al gebeur die toer ook, seer gaan seer bly.

Ons is so bevoorreg om 'n uitstekende kus privaatskole dag te kon beleef en daar is nog heelwat geleenthede om hierdie jaar deel te neem. Die opmerking is reeds gemaak dat ons sulke uitstekende atlete tans in die skool het. Atlete wat prestasies lewer wat lank nog onthou sal word. Corlia, J-L, Jessie, Quintin, en noem hulle maar op.

Atlete wat een na die ander byeenkoms die Ludorum trofees verower. Ons kan met dankbaarheid na elkeen kyk en weet dat die Here ons meer geseën het as wat ons beserings gehad het.

Dan kyk ons nog met groot verwagting uit na Sone, Streek en Nasionale en dalk nog Frankie Frederiks en Privaatskole, vir meeste van die atlete. Onthou, Nasionale is op moontlik op Swakop dan kan ons dalk soveel meer daar hê. Kom ons kyk met groot oë en verwagting uit na ons atlete se deelname by hierdie byeenkomste.

Sterkte aan al ons Wallie atlete met jul deelname aan genoemde byeenkomste. Die skool sal julle ondersteun en aanmoedig om net die beste te doen tot jul voordeel en moontlike insluiting in 'n Nasionale span.

Hou goeie moed, onthou alles gebeur met 'n goeie doel. Kom ouens wys 'n bietjie karakter. Onthou die Vrug van die Gees van verlede jaar en ons vra God vir wysheid om hierdie saak reg te benader en ons gevoelens so te wys dat niemand verder verleë of verbeder word nie.

Sterkte